ПИТКЕРИЎ ҚӘНИГЕЛИК АЛДЫН АЛА ЖАҚЛАЎ ЖУМЫСЛАРЫ ТАБЫСЛЫ ӨТТИ

By | 23.05.2020

Экономика факультетиниң Финанс кафедрасында «Бакалавр» тәлим дәрежесин алыў ушын алдын ала питкериў қәнигелик  жумысын жақлаў жумыслары болып өтти. Биринши рет алдын ала жақлаў онлайн режиминде болып өтти. Мәмлекетимиздеги карантин себепли  илимий байланыстың бундай формада өтиўи жүдә нәтийжели болды.

Кафедра тәрепинен студентлердиң питкериў қәнигелик жумысларының  алдын ала жақлаў өткериўдеги мақсети изертлеў жумысларының мазмуны ҳәм дүзилисине қойылатуғын талапларға муўапықлығын ҳәм тийкарғы бағдарларын анықлаў. Алдын ала жақлаў жумысларында қатнасқанлар факультет деканы Т.Жиемуратов, кафедра баслығы Ж.Сауханов, илимий басшылар ҳәм кафедра оқытыўшылары.

Студентлердиң жуўаплары ҳәм олардың илимий басшыларының түсиндирмелери қатнасыўшылар арасында қызғын дискуссияға себеп болды. Жәнеде атап өтиў керек, студентлердиң питкериў қәнигелик жумыслары жоқары дәрежеде таяр екенлиги, олар табыслы жақлаўы ушын мотивация есапланады.

Питкериў қәнигелик жумыслары унамлы баҳаланған студентлерди жақлаўға қабылланды.

 

Жанибек Сауханов

Финанс кафедрасы баслығы