Экономика факультети жәмәәтиниӊ қайыр-сақаўат ислери

By | 16.05.2020

Ҳүрметли Президентимиздиң усы жылдыӊ 20-апрель күни өткерилген видеоселектор мәжилисинде, халықтың социаллық қорғаўға мүтәж қатламын қоллап-қуўатлаў, ўақтынша жумыс ислемей атырған ҳәм жәрдемге мүтәж шаңарақларды анықлап, оларды мәнзилли түрде азық-аўқат ҳәм дәри-дәрмақ пенен тәмийинлеў көлемин және де кеңейтиў зәрүрлиги атап өтти.

Президентимиз бул мәжилисте халқымыздың тарийхый ҳәм руўхый қәдириятларын, мийрим-шәпәәт, ақыбет ҳәм жақсылық сыяқлы жоқары пазыйлетлерин есапқа алған ҳалда, «Сақаўат ҳәм жәрдем» улыўма халықлық ҳәрекетин жолға қойыў басламасын алға қойды.

Ҳүрметли Президентимиздиң алға сүрген басламасын қоллап-қуўатлаў мақсетинде 5-май сәнесинде университетимиздиӊ Экономика факультети жәмәәти өзлерине бириктирилген «Наубахар», МПЖ ында болып, социаллық қорғаўға мүтәж болған 7 кем тәмийинленген шаӊарақларға барып, азық-аўқат ҳәм ақшалай  қайыр-сақаўат жәрдемлерин берди.

Бундай қайыр-сақаўат жәрдемлерин көрсетиўдиң әйне мүбәрек Рамазан айында әмелге асырылыўы және де қайырлы болып табылады.

Әлбетте, бүгингидей сынаўлы күнлерде жәрдемге мүтәж инсанларға жақсылық етиў, қайыр-сақаўатлы ҳәм саўаплы ислерди ислеў – миллий қәдириятларымыздың тийкарғы белгиси болып есапланады.

 

 

Каржаўбай Нурманов.

Экономика факультети жаслар менен ислесиў

бойынша декан орынбасары