БАЖЫХАНА БАСҚАРМАСЫ ҚӘНИГЕЛЕРИ МЕНЕН УШЫРАСЫЎ БОЛЫП ӨТТИ

By | 21.02.2020

Ѳзбекстан Республикасы Президентиниң 2017-жыл 27-июльдағы  «Жоқары мағлыўматлы қәнигелер таярлаўдың сапасын арттырыўда  экономика салалары менен тармақларының қатнасын буннан былай да  кеңейтиў  илажлары ҳаққында»ғы  ПҚ-3151 ҳәм де 2018-жыл 7-май күнги «Экономика тараўлары ҳәм тармақларына инновацияларды енгизиў  механизмлерин жетилистириў бойынша илажлар ҳаққында»ғы ПҚ-3698-санлы қарарларында белгиленген ўазыйпалардың орынланыўын тәмийинлеў  мақсетинде Экономика факультети питкериўши курс студентлери ҳәм Қарақалпақстан Республикасы Бажыхана басқармасы қәнигелери менен илим ҳәм ѳндирис  интеграциясын тәмийнлеў мақсетинде ушырасыў шөлкемлестирилди.

Ушырасыўды Экономика факультети деканы, э.и.к Т.Жиемуратов ашты  ҳәм алып барды.

Ушырасыўға Қарақалпақстан Республикасы Бажыхана басқармасы Кадрлар бөлими баслығы Рахат Баймурзаев ҳәм Бажыхана басқармасы қадағалаўды шөлкемлестириў бөлими баслығы Озоджон Алламбергеновлар қатнасты.

Студент жаслар өзлериниң қызықтырып жүрген сораўларына жуўаплар алды ҳәм келешекте бирге ислесиў бойынша өз усынысларын берди.