ЭКОНОМИКА ТАРАЎЫНДАҒЫ ЖУМЫС БЕРИЎШИЛЕР МЕНЕН УШЫРАСЫЎ

By | 14.02.2020

Өзбекстан Республикасы Президентиниң 2017-жыл 27-июльдағы «Жоқары мағлыўматлы қәнигелер таярлаў сапасын арттырыўда экономика тараўлары ҳәм тармақларының қатнасын және де кеңейтиў ис-илажлары ҳаққында»ғы ПҚ-3151-санлы қарарында белгиленген ўазыйпаларды орынлаў мақсетинде экономика факультети профессор-оқытыўшылары ҳәм студент жаслары менен экономика тараўы мәкемелери қәнигелериниң қатнасыўында университеттиң Мәденият сарайында ушырасыў шөлкемлестирилди.

Ушырасыўды университет ректоры, профессор А.Реймов ашып берди ҳәм алып барды.

Илажға Қарақалпақстан Республикасы Мәмлекетлик салық басқармасынан, Нөкис қалалық мәмлекетлик салық инспекциясынан,  Қарақалпақстан Республикасы Суў хожалығы министрлигинен, Қарақалпақстан Республикасы Аўыл хожалығы министрлигинен, Өзбекстан Республикасы Президенти жанындағы Аралбойы халықаралық инновация орайынан, Экономика ҳәм санаат министрлиги, Қарақалпақстан Республикасы Финанс министрлиги, Қарақалпақстан Республикасы Туризмди раўажландырыў басқармасынан ҳам басқа да тараў басшы хызметкерлери ҳәм қәнигелери қатнасты.

Ушырасыўда студентлер тәрепинен әмелият ѳтеў, жумыс бериўшилерге волонтёр сыпатында бириктириў ҳәм жумыс бериўшилердиң мәкемелеринде клублар шѳлкемлестириў бойынша усыныслар берилди.

Қ.Нурманов,

Экономика факультети жаслар менен ислесиў бойынша декан орынбасары.