Өзбекстан Республикасы Туризмди раўажландырыў мәмлекетлик комитети Қарақалпақстан Республикасы аймақлық басқармасы баслығы студент жаслар менен ушырасты.

By | 21.01.2020

Өзбекстан Республикасы Президенти Ш.Мирзиёев тәрепинен 2019-жыл 27-декабрь күни Мухаммед ал-Хорезмий атындағы қәнигелестирилген мектепте жаслар менен болып өткен ушырасыўда берилген тапсырмаларды орынланыўын тәмийнлеў мақсетинде 2020-жыл 14-январь күни Өзбекстан Республикасы Туризмди раўажландырыў мәмлекетлик комитети Қарақалпақстан Республикасы аймақлық басқармасы қәнигелери Қарақалпақ мәмлекетлик университети Туризм (хызмет бағдарлары бойынша) ҳәм гид ҳәм аўдармашылық хызмети (инглис тили) тәлим бағдарлары студентлери менен ушырасыў өткерилди. Ушырасыўда Басқарма баслығы Б.Кусекеев республикамызда туризмниң ҳәзирги жағдайы ҳәм келешеги ҳаққында баянат қылды. Студент жаслар өзлерин қызықтырған сораўларына жуўаплар алыў менен биргеликте өзлериниң усынысларын берди. Студент жаслардың усынысы менен Басқарма қәнигелери менен студентлер арасында виртуал бирге ислесиў жолға қойылатуғын болды.