«ЎАТАН МУХАДДЕС, ОНЫ ҚОРҒАЎ ӘДИЎЛИ МИННЕТИМИЗ»

By | 11.01.2020

Усы жылы 10-январь күни “Экономика” факультетинде 14-январь  «Ўатан қорғаушылар күни»  мүнәсебети менен ушырасыў өткерилди. Ушырасыўға Нөкис қаласы Арқа Батыс әскерий бөлими 533-сонли СЧР батальоны  аға лейтенант С.Тимиров ҳәм 533-сонли  СЧР батальоны  катта лейтенант М.Шодиев, факультет деканы Т.Жиемуратов ҳәмде факультеттиң профессор-оқытыўшылары ҳәм студент жаслары қатнасты.

Ушрасыў жасларға әскерий ўатан сүйиўшилик руўхын қәлиплестириў, халық ҳәм армияның беккемлигин тәмийинлеў мақсетинде «Ўатан мухаддес, оны қорғаў әдиўли миннетимиз» ураны астында өтти.

Ушрасыўда мийманлар студент жасларға 14-январь Өзбекистан Республикасы Ўатан қорғаўшылары күни деп белгилениўи, Өзбекистан Республикасы Қураллы Күшлери дүзилиўи, мақсет-ўазыйпасы ҳәм әҳмийети ҳаққында, өз Ўатанын басқыншылардан қорғаған Тумарис, Шынғысхан ләшкерлерине қарсы мәртлерше гүрескен Темур Малик, Жалалиддин Мангуберди, Махмуд Тарағай, орта әсирдеги қүдретли Мәмлекет дүзген Амир Темур әўладлары хаққында түсиниклер берип өтти. Сондай ақ, Президентимиз Шавкат Мирзиёевтың бүгинги күнде Әскерий тараўдағы реформаларымыздың нәтийжесин арттырыў мақсетинде жаңадан қабыл етилген Қорғаныў  доктринасы  әҳмийетли  рол  атқарады. Бул доктрина Өзбекистанның сыртқы сиясатының ашық-айдынлық принципин, жақын қоңсылар менен досларша ҳәм әмелий қатнасықларды раўажландырыўды сәўлелендиреди. Онда мәмлекетимиздиң ғәрезсизлигин ҳәм суверенитетин беккемлеў тийкарғы ўазыйпа сыпатында анық белгилеп қойылғанлығын ҳәм Мәмлекетимиздиң тынышлығы, Ўатанымыздың гүллеп-жайнап, раўажланыўын тәмийинлеўге үлес қосыў елимиздиң ҳәр бир пухарасы ушын парызлы миннет болыў менен бирге мақтанышлы ўазыйпа екенлигин айтып өтти.