#bookchellenge «Өзим оқыған мектепке китап саўға етемен» акциясы даўам етпекте

By | 04.05.2019

Шымбай районлық 23-санлы мектепбинде «Өзим оқыған мектепке китап саўға етемен» акциясы шөлкемлестирилди.

Бул илажға усы мектепте билим алған, ал, бүгинги күнде халық хожалығының түрли тараўларында хызмет көрсетип атырған инсанлар келип, өзлериниң авторлығындағы ҳәм басқа да әдебий китаплардан саўға етти.

Булар арасында мәденият тараўында көп жыллар мийнет еткен, Қарақалпакстан халық артисти Сәрсенбай Балтаниязов, халық билимлендириў тараўында ислеген Мақсет Халықназаров, ҚМУ профессоры Марат Тагаев, ҚМУ доценти Алишер Қудияров, Шымбай педагогика колледжи директоры Тилепбай Турданов ҳәм ҚМУ оқытыўшысы Кишибай Кудияровлар бар.

Әлбетте, Президентимиздиң бундай басламасы келешегимиз болған жасларда китапқа деген қызығыўшылығын арттырып, олардың руўхый баркамал инсанлар болып жетилисиўинде өз нәтийжесин береди.

 Б.Сарсенбаев,

Факультеттиң Жаслар менен ислесиў бойынша декан орынбасары.