Социал-экономикалық факультетинде “HAMKORBANK” коммерциялық банк қәнигелери питкериўши студентлери менен таңлаў-сәўбетлесиў шөлкемлестирди

By | 22.02.2019

Бердақ атындағы Қарақалпақ мәмлекетлик университети Социал-экономикалық факультетинде HAMKORBANK коммерциялық банк қәнигелери тәрепинен коммертциялық банк ушын резерв кадрлар таңлап алыў, студентлердиң билим дәрежесин тексериў, банк хызмети ҳаққында мағлыўматлар бериў, студентлер тәрепинен банк хызмети ушын инновациоялық идеяларды тартыў мақсетинде питкериўши студентлери менен таңлаў-сәўбетлесиў шөлкемлестирди.

Таңлаў-сәўбетлесиў Мирабуллаев Голибжон Хамкорбанк АКБ Басқарыўы Кадрларды таңлаў бөлими баслығы, Утепбергенов Дамир  Хамкорбанк АКБ Нөкис филиалы басқарыўшы орынбасары, Болтаева Данира Хамкорбанк АКБ Нөкис филиалы кадрлар менеджери тәрепинен шөлкемлестирилди. Банк тәрепинен факультетимиз бир қатар студентлерине питкериў алды қәнигелик практикаларын өтиў, стажировкада болыў ҳәмде  стажировкада дәўиринде өзин көрсеткен студентлерди жумысқа алыў бойынша усыныслар жиберилди.

С.Миратдинов,

Социал-экономикалық факультети студенти