ФИНАНС КАФЕДРАСЫ

Университет ректорының 2004-жыл 29-январьдағы №6-Д/1 санлы буйрығына тийкарланып «Финанслар» кафедрасы шөлкемлестирилди ҳәм ҳәзирге шекем республикамыз бюджет-финанс ҳәм банк-кредит системасына қәнигелер таярлап атыр.

Кафедра баслығы лаўазымында доцентлер Г.Утемуратова, С.Байжанов, Б.Мырзаев ислеп, ал 2016-жылдан баслап доцент Ж.Сауханов жумыс ислеп келмекте.

1992-1993-оқыў жылы Қарақалпақстан жоқары оқыў орынлары тарийхында биринши мәртебе финанс ҳәм кредит қәнигелигине студентлер қабыл етиле баслады. 1997-жылы усы қәнигеликти питкерген биринши финансистлер республикамыз бюджет-финанс ҳәм банк-кредит системасында кадрлар қатарын толтырды.

Усы дәўир ишинде кафедраны профессор А.Матекеев, доцентлерден З.Сабурова, О.Бердиев, З.Баймуратова, Г.Утемуратова, С.Байжанов ҳәм Б.Мырзаевлар басқарды. Жоқары қәнигели кадрларды таярлаўда булардан басқа экономика илимлери кандидатлары ҳәм доцентлер Б.Абдраманов, Ж.Исаков, А.Ибрагимов, Ж.Есмурзаев, Р.Ешниязов, А.Шамшетовлар пидәкерли мийнетлерин сиңирди ҳәм ҳәзирги ўақытта бул исти олардың шәкиртлери даўам етип киятыр.

2000-2007-жыллар аралығында республикамыз экономикасына «Мәмлекетлик қаржыларды басқарыў» академиялық дәрежесин бериўши магистрлар таярланды.

Кафедра питкериўшилери ҳәзирги ўақытта республикамызда министрликлерде, өндирислик бирлеспе ҳәм кәрханаларда, орайлық ҳәм коммерциялық банклерде, кредитлик ҳәм басқа да финанслық мәкемелерде басшы ҳәм жетекши қәниге лаўазымларында ислеп келмекте.

Ҳәзирги ўақытта кафедрада, тийкарынан, 15 профессор-оқытыўшы болып, олардан 4 илим кандидаты (Ж..Сауханов, З.Баймуратова, Т.Жиемуратов), 4 үлкен-оқытыўшы (Қ.Данияров, А.Мадреймов Қ.Халмуратов, К.Қудиров), 8 ассистент-оқытыўшы (М.Бекаева, Д.Шамшетова, А.Жузбаев, У.Айтмуратова, Д.Йўлдашева, А.Оразымбетова, Н.Бегленов, Б.Сарсенбаев) жумыс ислеп келмекте.

Кафедра профессор-оқытыўшылары илим-изертлеў жумыслары менен турақлы шуғыл-ланып келмекте. Профессор-оқытыўшылар тәрепинен ғәрезсизлик жылларында 2 оқыўлық, 26 оқыў қолланба, 35 методикалық қолланба, 10 монография баспадан шығарылды. Кафедра оқытыўшылары ҳәр жылы ҳалықаралық ҳәм республикалық көлемде өткерилип атырған илимий-әмелий конференцияларда өз баянатлары менен қатнасып келмекте. Сондай-ақ 2018-2019 оқыў жылында 4-финанс студенти Д.Сабырбаев И.Каримов атындағы мәмлекетлик стипендиясы, 3-финанс студенти Б.Алланазарова Бердақ атындағы стипендиясы жеңимпазлары болды.

Кафедрада тәлим-тәрбия жумысларының сапасын жақсылаў, студентлерди ҳәзирги заман талапларына жуўап беретуғын, қарақалпақ тилинде жазылған сабақлықлар, оқыўлық қолланбалар, илимий әдебиятлар менен тәмийинлеў мәселелерине айрықша дыққат аўдарылады. Усының нәтийжесинде доцент Ж. Саухановтың ҳәм ассистент У.Айтмуратованың 2018-2019-оқыў жылында баспадан шыққан «Финас менеджмети» оқыў қолланбасы, доцент С.Байжановтың финанс пәнинен сабақлығы, А.Мадреймовтың «Салықлар теориясы» пәнинен оқыў-методикалық қолланбасы, Қ.Данияровтың әмелият өткериў бойынша методикалық қолланбасы студентлердиң бул пәнлерди толық өзлестириўине жәрдем бермекте.

Соңғы үш жыл ишинде кафедра ағзаларының шет еллерде 20 илимий мақаласы жәрияланды.

Кафедрада ислеп атырған илимий дәрежели профессор-оқытыўшылар

Сауханов Жанибек Казиевич, экономика илимлериниң кандидаты, доцент. 1979-жылы 8-июльде Нөкис қаласында туўылған. 2003-жылы Қарақалпақ мәмлекетлик университетин тамамлаған. Қәнигелиги экономист. 2011-жылы «Аграр секторда сыртқы нәтийже (экстерналий) лер тәсирин оптимал тәризде тәртипке салыў» темасында кандидатлық диссертациясын жақлады. 1 монография, 3 оқыў-методикалық, 2 оқыў қолланбасы, 50 ден аслам илимий мақалалары баспадан шықты. 2016-жылдан баслап финанс кафедрасының баслығы лаўазымында ислеп атыр.

 

 

Жиемуратов Темирбай Полатбаевич, экономика илимлериниң кандидаты. 1977-жылы 10-мартта Нөкис қаласында туўылған. Қәнигелиги математик-информатик. 2010-жылы «Кәрхана басқарыў проце-синде информация тәмийнатын шөлкемлестириўди жетилистириў» темасында кандидатлық диссертация-сын жақлады. 20 дан аслам илимий мийнетлери баспада жәрияланды. Соның ишинде 5 оқыў-методикалық қолланбасы баспадан шықты. 2013-жылдан баслап социаллық экономика факультети деканы.

 

 

Баймуратова Зина Акылбековна, экономика илимлериниң кандидаты, доцент. 1963-жылы 22-мартта Шымбай районында туўылған. 1984-жылы Ташкент халық хожалығы институтын айрықша дип-лом менен питкерген. 1989-1993-жыллары Москва экономика-статистикалық институтының ишки бөлим аспирантурасында оқып, 1993-жылы «Статистическое изучение смертности населения Республики Каракал-пакстан» темасында кандидатлық диссертациясын жақлады. Қәнигелиги экономист. 1985-жылдан баслап Қарақалпақ мәмлекетлик университе-тинде ислеп келмекте. 3 оқыў-методикалық қолланбасы баспадан шықты. 40 тан аслам илимий мақалалары бар. Ҳәзирги ўақытта финанс кафедрасында доцент лаўазымында ислеп атыр.

Қудияров Кишибай Раматуллаевич экономика илимлери бойынша философия доктори (Phd).   1984 жыл 15 мартта Шымбай районында туўылған. Шаңарақлы 2 перзенттиң атасы. 2008 жылы Қарақалпақ мәмлекетлик университетиниң магистратурасын “Мәмлекетлик қаржыларды басқарыў” қәнийгелиги бойынша питкерген. 2007-2008 жылларда 1-санлы Нөкис медицина коллежи оқытыўшысы, 2008-2009 жылларда Қарақалпақ мәмлекетлик университети “Бухгалтериялық есап ҳәм аудит” кафедрасы ассистенти, 2009-2015 жылларда Қарақалпақ мәмлекетлик университети «Финанс» кафедрасы ассистенти, 2015-2016 жылларда «Камолот» жаслар жәмийетлик харекети Қарақалпақ мәмлекетлик университети басланғыш шөлкеми жетекшиси, 2016-2017 жылларда  Қарақалпақ мәмлекетлик университети «Экономикалық теория» кафедрасы ассистенти, 2016-2017 жылларда «Финанс» кафедрасы ассистенти, 2018-жылдан усы кафедраның үлкен оқытыўшысы лаўазымында ислеп келмекте.

Қалимбетов Халықназар Қурбанбаевич Экономика пәнлери бойынша философия доктори (Phd).   1983 жыл 28 сентябрьде Нөкис қаласында туўылған. Семьялы 3 перзенттиң атасы. 2009 жылы Қарақалпақ мәмлекетлик университетиниң магистратурасын “Тармақлар экономикасы” қәнийгелиги бойынша питкерген. 2007-2009 жылларда Нөкис экономика коллежи оқытыўшысы, 2009-2014 жылларда Қарақалпақ мәмлекетлик университети “Бизнести басқарыў” кафедрасы ассистенти, 2014-2017 жылларда Қарақалпақ мәмлекетлик университети «Экономика» кафедрасы үлкен илимий хызметкер излениўшиси, 2017 жылдан Қарақалпақ мәмлекетлик университети «Финанс» кафедрасы ассистент лаўазымында ислеп келмекте. 2018 жылы “Қўшимча тармоқларни ривожлантириш асосида фермер хўжаликлари фаолияти самарадорлигини ошириш” темасында докторлық диссертациясын жақлады. Бугинги күнге шекем “Иқтисодиётни модернизациялаш шароитида фермер хўжаликлари иқтисодий салоҳиятидан фойдаланишда қўшимча тармоқларни ривожлантириш йуллари” темасында илимий әмелий проектте сондай-ақ, 2 оқыў қолланба, 1 рисоласы баспадан шықты. Усы күнге шекем 50 ден аслам илимий мақалалары соннан 10 мақаласы шет елде баспадан шықты. Ҳәзирги ўақытта финанс кафедрасында ассистент лаўазымында ислеп атыр.